Hanggang Kailan, Hanggang Saan Lyrics

Gary Granada


album: Track 11 in album Samut Saring
release date: 2002
popularity : 15 users have visited this page.
length: 3:50

Cover Art


sponsored links
Sa isang yugto, ang rosas ay
Matutuyo, mamamatay
Katulad ng marami nang sumpaan
Sa isang puwang ng hininga
Nagbago ang isa't isa
May aalis at may isang iiwan

Tayo kaya ay magtatagal
O sing-ikli ng isang kanta
Gaano kaya kung magmahal
Hanggang kailan, hanggang saan sinta

Sa isang iglap magbabalik
Sa isang sulyap, sa isang halik
Maya-maya ay minsan pang lilisan
Minsang sumpa'y nakakalas
At sugat ay dumadalas
Paano pa, paano lulunasan

Tayo kaya, mangangako pa
Kung ang tamis di na madama
Dapat kaya, dapat pa ba
Hanggang kailan, hanggang saan sinta

Hangga't buo pa ang daigdig
At puso ko ay may pintig
Hangga't mayrong saysay ang kasaysayan
Ang tagginaw at tagtuyot
Ang tagpanglaw at taglungkot
Sa piling mo'y aking makakayanan

Hanggang tilas ay magbagong-anyo
Hanggang sila'y maging paruparo
Giliw sana'y pag-ibig mo
Katulad ng pag-ibig ko sa iyo
Hanggang ako't ika'y naririto

Track Listing

  • 1 Kahit Konti
  • 2 Ang Aking Kubo
  • 3 Kapag Sinabi Ko Sa Iyo
  • 4 Kung Ikaw Ay Wala
  • 5 Bahay
  • 6 Huwag Kang Mangako Ng Kailanpaman
  • 7 Address
  • 8 Kung Ayaw Mo Na Sa Akin
  • 9 Bil'In
  • 10 Holdap
  • 11 Hanggang Kailan, Hanggang Saan
  • 12 Pag Natalo Ang Ginebra
  • 13 Salamat Musika