Linton Kwesi Johnson - Di Anfinish Revalueshan Lyrics

Writer(s) : LINTON KWESI JOHNSON
Artist: Linton Kwesi Johnson Lyrics
Popularity : 33 users have visited this page.
Rate: Di Anfinish Revalueshan gets avg. rating 5.2 out of 10 based on 5 ratings. Rate the song now!!!

Now watchta mistah man
Mi noh like di way yu tan
An yu tan soh too lang yu know man
A meditate yu a meditate pan di same sang soh lang ?
Well hear mi man :

Mi naw preach
Mi naw teach
Mi jusa show yu
Ow mi seit
Caw di trute well sweet
Jus like a African beat
Like wen yu si whey yu comin fram
Like wen yu site whichpawt yu reach
Soh mi noh care if yu waan vex
Are even gwaan like yu perplex
Mi a goh show yu whey mi si mistah man

Yu jus sidoung an fole-up like a cabbidge
Like seh yu gat not andahstandin gat no nallidge
Like seh yu still noh realise seh a jus di addah day
Wi chuck-awf di chokin chains of bandidge
Dat in spite a di hateridge an disadvantage
Dow wi slip-up an stumble pan di way
Wi still reach far doun freedom street
Still mindful af di minefields pan di way

Soh mi a beg yu mistah man
Please come out a yu shell
Yu cyaan dwell inna di paas
Cat laas fi evah yu know mi bredda
Now dat di sun a shine brite
Please come out a di doldrums a di daak night

Histri biggah dan mi are yu know
Time cyaan steal but it can heal
Soh shake di dew from out yu he'd
Wipe di cabweb fram yu face
Wi gat nuff work fi dhu
Far wi nob reach mount zion
Yet

Yes wi phudung a solid foundaeshan
Fi true
An wan an two a wi well a get tru
Fi true
But wi still noh bil di new jerusalem yet

Di time goin come agen
Yu can bet
Wen wi a goh march awn agen
Yu hear mi fren
Mobilise wi women an wi fren dem
Agen
Even di pickne


If you believe the lyrics are not correct you can Submit Corrections to us
Lyrics © Universal Music Publishing Group
Lyrics007 gets licensed to display lyrics and pay the lyrics writers through LyricFind. The most of song titles are calibrated according to wikipedia