Linton Kwesi Johnson - Inglan Is a Bitch Lyrics

Writer(s) : JOHNSON, LINTON KWESI
Artist: Linton Kwesi Johnson Lyrics
Popularity : 86 users have visited this page.
Album: Track 5 on Bass Culture
Rate: Inglan Is A Bitch gets avg. rating 8 out of 10 based on 5 ratings. Rate the song now!!!

Inglan is a *****
Inglan is a *****

w'en mi jus' come to Landan toun
mi use to work pan di andahgroun
but workin' pan di andahgroun
y'u don't get fi know your way aroun'

Inglan is a *****
dere's no escapin it
Inglan is a *****
dere's no runnin' whey fram it

mi get a lickle jab in a big 'otell
an' aftah a while, mi woz doin' quite well
dem staat mi aaf as a dish-washah
but w'en mi tek a stack, mi noh tun clackwatchah!

Inglan is a *****
dere's no escapin it
Inglan is a *****
noh baddah try fi hide fram it

w'en em gi'you di lickle wage packit
fus dem rab it wid dem big tax rackit
y'u haffi struggle fi meek en's meet
an' w'en y'u goh a y'u bed y'u jus' cant sleep

Inglan is a *****
dere's no escapin it
Inglan is a ***** fi true
a noh lie mi a tell, a true

mi use to work dig ditch w'en it cowl noh *****
mi did strang like a mule, but, bwoy, mi did fool
den awftah a while mi jus' stap dhu ovahtime
den aftah a while mi jus' phu dung mi tool

Inglan is a *****
dere's no escapin it
Inglan is a *****
y'u haffi know how fi suvvive in it

well mi dhu day wok an' mi duh nite wok
mi duh clean wok an' mi duh dutty wok
dem seh dat black man is very lazy
but it y'u si mi wok y'u woulda sey mi crazy

Inglan is a *****
dere's no escapin it
Inglan is a *****
y'u bettah face up to it

dem have a lickle facktri up inna Brackly
inna disya facktri all dem dhu is pack crackry
fi di laas fifteen years dem get mi laybah
now awftah fiteen years mi fall out a fayvah

Inglan is a *****
dere's no escapin it
Inglan is a *****
dere's no runnin' whey fram it

mi know dem have work, work in abundant
yet still, dem mek mi redundant
now, at fifty-five mi gettin' quite ol'
yet still, dem sen' mi fi goh draw dole

Inglan is a *****
dere's no escapin it
Inglan is a *****
is whey wi a goh dhu 'bout it?


If you believe the lyrics are not correct you can Submit Corrections to us
Lyrics © Universal Music Publishing Group
Lyrics007 gets licensed to display lyrics and pay the lyrics writers through LyricFind. The most of song titles are calibrated according to wikipedia