Linton Kwesi Johnson - Sense Outa Nansense Lyrics

Artist: Linton Kwesi Johnson Lyrics
Popularity : 23 users have visited this page.
Rate: Sense Outa Nansense gets avg. rating 3.5 out of 10 based on 2 ratings. Rate the song now!!!

but haas a haas
an mule a mule
mawgah mean mawgah
it noh mean slim
yet di two a dem in common share someting
dem is awftin confused an get used
dem is awftin criticised an campramised
dem is awftin villified an reviled
dem is awftin foun guilty widoutn being tried
wan ting set di two a dem far apawt dow
di innocent wi habah dout
check tings out
an maybe fine out
but di fool.............cho!

di innocent an di fool could paas fi twin
but like a like
an love a love
a pidgin is a pidgin
an a dove is a dove
yet di two a dem in common share someting
dem is awftin anticipated an laywated
dem is awftin patronised an penalised
dem is awftin paccified an isolated
dem is awftin castigated an implicated
wan ting set di two a dem far apawt dow
di innocent wi habah dout
check tings out
an maybe fine out
but di fool.............cho!

di innocent an di fool could pass fi twin
but a rat is a rat
an a mouse is a mouse
a flee is a flee
an a louse is a louse
yet di two a dem in common share someting
dem is awftin decied an denied
dem is awftin ridiculed an doungroded
dem is sometimes congratulated an celebrated
dem is sometimes suprised an elated
but as yu mite have already guess
dem is awftin foun wantin more or less






If you believe the lyrics are not correct you can Submit Corrections to us

Lyrics007 gets licensed to display lyrics and pay the lyrics writers through LyricFind. The most of song titles are calibrated according to wikipedia