Linton Kwesi Johnson Want Fi Goh Rave Lyrics

Artist: Linton Kwesi Johnson
Publishers: ©Universal Music Publishing Group
Popularity : 38 users have visited this page.
Album: Track 1 on Forces of Victory
Length: 4:18

sponsored links
I woz
Waakin doun di road road
Di addah day
When a hear a lickle yout-man say

Him seh
Y´u noh si mi situation
Mi don´t have noh accamadaeshan
Mi haffi sign aan at di station
At six in di evenin´
Mi seh mi life got no meanin´
Ah jus´ livin´ widout feelin´

Still mi haffi mek a raze
Kaw mi come af age
An mi want fi goh rave

I woz waakin doun di road
Annadah day
W´en ah hear annadah yout-man say

Him seh
Mi naw wok fi noh pittance
Mi naw draw dem assistance
Mi use to run a lickle rackit
But wha, di police dem di stap it
An ah had woz to hap it

Still mi haffi mek a raze
Kaw mi come af age
An mi want fi goh rave

I woz waakin doun di road
Yet annadah day
W´en ah hear annadah yout-man say

Him seh
Mi haffi pick a packit
Tek a wallit fram a jackit
Mi haffi dhu it real crabit
An´ if a lackit mi haffi pap it
An´ if a safe mi haffi crack it
Are chap it wid mi hatchit

But mi haffi mek a raze
Kaw mi come af age
An mi want fi goh rave
Linton Kwesi Johnson's Want Fi Goh Rave album cover
The hottest lyrics from Linton Kwesi Johnson