 |
Something you should know about Palestinalied Lyrics
Title: Qntal - Palestinalied lyrics
Artist: Qntal Lyrics
Visitors: 322 visitors have hited Palestinalied Lyrics since May 27, 2008.
Nu allerst lebe ich mir werde,
sît mîn sündic ouge siht
daz reine lant und ouch die erde
den man sô vil êren giht.
mirst geschehen des ich ie bat,
ich bin komen an die stat
dâ got mennischlîchen trat.
Schoeniu lant rîch unde hêre,
swaz ich der noch hân gesehen,
sô bist duz ir aller êre:
waz ist wunders hie geschehen!
daz ein magt ein kint gebar
hêre über aller engel schar,
waz daz niht ein wunder gar?
Hie liez er sich reine toufen,
daz der mensche reine sî.
dô liez er sich hêrre verkoufen,
daz wir eigen wurden frî.
anders waeren wir verlorn:
wol dir, sper, kriuz unde dorn!
wê dir, heiden! deist dir zorn.
Hinnen fuor der sun zer helle
von dem grabe, dâ er inne lac.
des was ie der vater geselle
und der geist, den niemen mac
sunder scheiden: êst al ein,
sleht und ebener danne ein zein,
als er Abrahâme erschein.
In diz lant hât er gesprochen
einen angeslîchen tac.
dâ diu witwe wirt gerochen
und der weise klagen mac
II: und der arme den gewalt,
der dâ wirt an ime gestalt.
wol im dort, der hie vergalt!
Fans who visit this lyrics also like:
Maybe you are looking for:
Qntal - Palestinalied Lyrics for mp3
Qntal - Palestinalied Lyric
Qntal - Palestinalied Letras
Qntal - Palestinalied Songtexte
Qntal - Palestinalied Lyrique
Qntal - Palestinalied Testo
Qntal - Palestinalied Referencias
Tips to look for free audio clips
(Don't use those tips to download illegally. To buy music is always the best way to support your idols)