Aida Lafuente Lyrics - Nuberu

Release information
length: 5:20
Deciséis años tinía,
guapos años gayasperos
que xueguen y salten
semeyando xilgueros.
Yeres una neña Aida
que na rexón asturiana
xugabes dando a la comba
ú tos amigues saltaben.

Llegó la güelga d'ochobre,
fuisti revolucionaria,
tu yá nun coyisti comba
que coyisti la metralla.
Colos pergafos mineros
qué bien tu la remanabes,
salíes colos primeros
brincando per barricaes.

Y cuando más s'encendín
los glayíos n'amarraza
diesti col llombu na tierra,
furó to pierna una bala.

Dos mozos los comunistes
quixeron dir a salvala,
¡valoratible so vida!
¡so vida de llibertaria!
Nun hubo quien lo algamara,
rabiones de metralleta
sos cuerpos afuracaron
a la vera la rapaza.

Yá lleguen los asesinos,
"¿tu como te llames guaja?",
tu dixisti puñu enriba:
"¡¡Comunista, Llibertaria!!"
Nun acabesti decilo,
la to voz nun vocinglaba,
del menudín del to cuerpu
fixo un cribu tanta bala.
Y esi vestidín tan guapu
coles manches encarnaes,
guardáranlu con gran ciñu
to ma y la bona la to hermana.

Sedrás de los asturianos
l'exemplu de la so casta
y has ser de los mineros
so bandera proletaria.

Pola sangre que vertiesti
xorrecerán más rosales
nesta rexón asturiana
con roses bien colloraes.
A primeros d'ochobre
glayarán per toa España
les mocedaes marxistes
coses de La Llibertaria,
coses de La Llibertaria.

Lyrics licensed by Lyricfind.com
Tracklist
CD 1
  • 1 D'ayer a güei
  • 2 Soi vaqueiru
  • 3 Aida Lafuente
  • 4 Cantar del regresu
  • 5 Danza prima
  • 6 Como tú yes
  • 7 Soi mineru llangreanu
  • 8 Tengo de rondar to valle
  • 9 Chalaneru
  • 10 Yo nun soi marineru
  • 11 Lliberar l'amor
  • 12 Dame tira
  • 13 Asturies tiempu de nosotros
  • 14 Blanca flor
  • 15 Nos montes del Pendón
  • 16 La variante de Payares