Pastor que tas n'el monte Lyrics - Nuberu

Release information
length: 3:18
Pastor que tas nel monte,
pastor,
y duermes ente la fueya:
si te casares conmigo
pastor,
durmieras en buena cama.
¡Y anda y anda!
Soi nacíu na cabaña,
sí, sí
y pastora foi mio madre;
morrería yo nel llanu,
sí, sí
que me faltaría l'aire.
¡Y anda y anda!

-Pastor que tas nel monte
descalzu triando breñes:
si te casares conmigo,
pastor,
calzaríes bones madreñes.
¡Y anda y anda!
-Salto y brinco pel monte
sí, sí
descalzu y triando espinos
meyor qu'en esos llugares
sí, sí
con madreñes y escarpinos.
¡Y anda y anda!

-Pastor que tas nel monte
comiendo pan de centenu:
si te casares conmigo
xintaresres del trigu bono.
-Xintando pan de centeno
sí, sí
descalzu y durmiendo en fueya,
tengo yo nestes altures
sí, sí
la tranquilidá del alma.
¡Y anda y anda!

-Yo xubiré a la montaña
y pastora me faré;
dormiré na to cabaña
y el rebañu cudiaré.
¡Y anda y anda!

Lyrics licensed by Lyricfind.com
Tracklist
CD 1
  • 1 Per cuatro palos que di
  • 2 Rosa temprana
  • 3 Carretera d'Avilés
  • 4 Pastor que tas n'el monte
  • 5 La cabraliega
  • 6 Tengo de rondar to valle
  • 7 Eno alto'l Puertu Ventana
  • 8 Yo nun soy marineru
  • 9 La carbonera
  • 10 Tengo que xubir al puertu